ስርሒት ፎርቶ 8ይ ዓመቱ ሎሚ
ፍረ ነጻነትና ሐርነት ኮይኑ ሕልሚ
ብዋጋ ደምና ንውሑዳት ጠቕሚ
ህዝቢ ኤርትራ ኣይኮነን ተጠቃሚ
ንሰሐቕ ኢሰያስ ብክያት ዩ ዝዛዘሚ’’
__
(ትም ምበልና ሞ ንመን ክሕሾ)__
እንተ ዘይትጉንጸኒ መን መውደቐኒ
ሐቂ ሒዘ ክገጥም ሕድሪ ጀጋኑ ኣለኒ
ንሐቂ ክደፍን ኣይኮኑን ሕድሪ ዝሃቡኒ’’
__
ህግደፍ እሾኽ ኳዂቶ ኮይኖምና
ንነጻነት ን30 ዓመት ፈሲሱ ደምና
ሕጊ ኣልቦ ምስ ኮነት ኤርትራ ሃገርና
ንሐርነት ክንቃለስ 2ይ 30 ረጊጽና’’
__
ናይ ፓልቶክን ናይ ፌስቡክን ጀጋኑ
ንምክልኻል ሐይልታት ካብ ትኹንኑ
ትማሊ ምስ ወያነ ንደቀባት ዝበተኑ
ነቶም ሎሚ ድማ ስም ኣቢዩ ዝወገኑ
ንሃንደስቲ ጽልኢ ጃንዳ ህግደፍ ኮኑኑ’’
__
ኢድ ሸናሒት ጸናሒት
ክልተ መራሕቲ ውዲት
ንኢሰያስ ከም ናይ ስብሐት
ከምኣ እያ ናትካ ትጽቢት’’
__
(ትም ምበልና ሞ ንመን ክሕሾ)__
ንኣቢዪ ኣሕመድ ሒዙ ወፊሩ
ካብቶም ምስኡ ኪዳን ዝኣሰሩ
ኢሰያስ ነይኡ ስብሐት ኣእሲሩ’’
__
ተዳናገጽቲ ህወሐት
ከም ኢሰያስ ውዲት
ተረኺቡ ንቕሐት’’
__
ስነ ጥበባዊ ምሕረተኣብ እንታይ በደለ
ዘረግቲ ስኒት መራሕት ክልተ ጉጅለ
ህወሐት ካብ ህግደፍ ብምንታይ ይፍለ
ንተቓወምቲ ክይሳነ ንዓመታት ዝፈላለ’’
__
(ትም ምበልና ሞ ንመን ክሕሾ)__
ሕማም ደሐር ካዂቶ ሐጋይ
መራሒ ጉጅለ ህግደፍ ካሕዳይ
ተታሐሒዝዎ ንህዝብና ምድማይ
ህዝቢ ኤርትራ ን29 ዓመት ግዳይ’’
__
ኣስላም ክስታን ኣይንፋላለን እንቢ
ኣብ ኤርትራዊያን ክፈጥር ናዕቢ
ኤርትራ ኣፍ ኣውጺእኪ ተዛረቢ
ዮሴፍ ገብሪሂወት ከዳናግር ንህዝቢ
ኣንፈቱ ከስሕቶ ንትግርኛ ተዛራቢ’’
__
ሕጂ ውን ናትና ንግበር
ቅኑዕ መንገዲ ንሐብር
ብደቃ ያ ትድሕን ሃገር’’
__
(ትም ምበልና ሞ ንመን ክሕሾ)__
ኤርትራዊያን ንዳሎ ንዳሎ ንዳሎ
ኤርትራዊያን ዓይንና ቋሕ ነብሎ
ንጥፍኣትና ውዲትዩ ዝእለም ዘሎ
ሐጽቢ ኮና ንውሕጅ ደው ክነብሎ’’
__
ዓለም ከባብ ያ ከም ኩዑሶ
ንጉጅለ ህግደፍ ሕማም ዓሶ
ኢደይ ኢድካ ኢልና ክነፍርሶ
ኒሕን ሐቦን ናብ ቦቱኡ ንምለሶ’’
__
ኤርትራዊ ምዃንካ እንታዩ ምልክትካ
ወደባት ኣስላማይ ክስታናይ ሐቢርካ
ኣብ መዓዲ ሸሞንተ ኮፍ ምስ በልካ
ብመሳዋእቲ ኣራጋጊጽካዮ ልእላውነትካ
ንሕን ሐቦን ጀጋኑ ኣይወረስካዮን ዲኻ’’
__
(ትም ምበልና ሞ ንመን ክሕሾ)__
ፋስ ኣይሳሐልን ዩ ብዘይ መብረድ
ሐቂ እንተሎ ሃየ ኣብ ባይታ ንውረድ
ሰኣን ቁምጣ ዓጢቕካ ሐኒቕካ ምውራድ
ብዘይ ድልየቱዩ ናብ ውግእ ክኣቱ ዝግደድ
ብማዕዶ ንምክልኻል ሐይልታት ኣይንፍረድ’’
__
(ትም ምበልና ሞ ንመን ክሕሾ)__
ደቂሱ ኢልኩም ኣይተላግጹ
ዝደቀሰ ኣንበሳ ዓጽሚ መወጹ
ንህወሐት ምድሕን ኤርትራ ኣይትገልጹ
ህግደፍ ብህዝቢ ኤርትራ እዮም ክቃበጹ
ለውጢ ኤርትራ ብኤርትራዊያን ኣድምጹ’’
__
ዓወት ነቲ ደም ዝነብዕ ዘሎ ህዝቢ ኤርትራ‘‘ክብርን ሞጎስን ንጀጋኑ ሰማእታትና,ስዕረት ንጃንዳ ህግደፍን ዓንገልቶምን‘‘ ካብ ሰናይ ግርብትና ዝምነ‘‘ኣባል ተ,ሐ,ኤ,በርሀ ዑቅባዝጊ ካብ ሃገር ጀርመን።
__
__
